ਕੋਵਿਡ-19: ਤੁਹਾਨੂੰ ਕੀ ਪਤਾ ਹੋਣਾ ਚਾਹੀਦਾ ਹੈ

ਕੋਵਿਡ-19 ਲਾਗ ਵਾਲ਼ੀ ਬਿਮਾਰੀ ਦਾ ਨਾਂ ਹੈ, ਜੋ  SARS-CoV-2 ਨਾਮਕ ਵਾਇਰਸ ਕਰਕੇ ਹੁੰਦੀ ਹੈ। ਇਹ ਵਾਇਰਸ ਫੇਫੜਿਆਂ ਅਤੇ  ਸਾਹ ਨਾਲ ਜੁੜੇ ਸਿਲਸਿਲੇ ਨੂੰ ਨਿਸ਼ਾਨਾ ਬਣਾਉਂਦਾ ਹੈ। ਆਮ ਤੌਰ 'ਤੇ ਕੋਵਿਡ -19 ਦੇ ਲੱਛਣ ਹਲਕੇ ਜਾਂ ਦਰਮਿਆਨੇ ਲੱਗਦੇ ਹਨ, ਜਿਵੇਂ ਬੁਖ਼ਾਰ, ਥਕੇਵਾਂ, ਪਠਿਆਂ ਵਿੱਚ ਪੀੜ, ਖੰਘਣਾ, ਗਲੇ ਵਿੱਚ ਖ਼ਰਾਸ਼, ਨੱਕ ਭਰਨਾ, ਢਿੱਡ-ਪੀੜ ਜਾਂ ਸੁਆਦ ਜਾਂ ਮਹਿਕ (ਗੰਧ) ਦਾ ਅਹਿਸਾਸ ਨਾ ਹੋਣਾ। ਹਾਲਾਂਕਿ ਕੁਝ ਲੋਕਾਂ ਨੂੰ ਕੁਝ ਹੋਰ ਗੰਭੀਰ ਲੱਛਣ ਹੋ ਸਕਦੇ ਹਨ, ਜਿਵੇਂ ਸਾਹ ਆਉਣ ਵਿੱਚ ਦਿੱਕਤ, ਅਜਿਹੇ ਮਾਮਲੇ ਵਿੱਚ, ਉਹਨਾਂ ਨੂੰ ਮੈਡੀਕਲ ਸੰਭਾਲ ਦੇਣ ਦੀ ਲੋੜ ਪਏਗੀ।

ਕੋਵਿਡ -19 ਲਾਗ ਵਾਲ਼ੀ ਬਿਮਾਰੀ ਹੈ ਅਤੇ ਨਜ਼ਦੀਕੀ ਸਿੱਧੇ ਅਤੇ ਅਸਿੱਧੇ ਸੰਪਰਕਾਂ ਰਾਹੀਂ ਇੱਕ ਤੋਂ ਦੂਜੇ ਵਿਅਕਤੀ ਤੱਕ ਫੈਲ ਸਕਦੀ ਹੈ। ਸਿੱਧੇ ਸੰਪਰਕਾਂ ਵਿੱਚ ਕਿਸੇ ਨੂੰ ਜੱਫੀ ਪਾਉਣਾ ਜਾਂ ਚੁੰਮਣਾ ਸ਼ਾਮਿਲ ਹੋਏਗਾ, ਜਿਸ ਨੂੰ ਲਾਗ ਹੋ ਸਕਦੀ ਹੈ ਜਾਂ ਖੰਘਣ, ਨਿੱਛਣ ਜਾਂ ਬਹੁਤ ਹੀ ਨੇੜਿਓਂ ਗੱਲਬਾਤ ਕਰਨ ਰਾਹੀਂ ਲਾਗ ਲੱਗ ਸਕਦੀ ਹੈ। ਤੁਹਾਨੂੰ ਕੋਵਿਡ-19 ਵੀ ਹੋ ਸਕਦਾ ਹੈ, ਜੇ ਤੁਸੀਂ ਪਲੀਤ ਸਤਹਿ ਛੂਹੰਦੇ ਹੋ ਅਤੇ ਫਿਰ ਆਪਣੀਆਂ ਅੱਖਾਂ, ਨੱਕ ਜਾਂ ਮੂੰਹ ਨੂੰ ਹੱਥ ਲਾਉਂਦੇ ਹੋ। ਇਸਦਾ ਪਸਾਰ ਘਟਾਉਣ ਲਈ ਸਰੀਰਕ ਦੂਰੀ ਅਤੇ ਹੱਥਾਂ ਦੀ ਚੰਗੀ ਤਰ੍ਹਾਂ ਸਾਫ਼-ਸਫ਼ਾਈ ਦੀ ਆਦਤ ਪਾਉਣੀ ਬਹੁਤ ਜ਼ਰੂਰੀ ਹੈ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਨੂੰ ਕੋਵਿਡ-19 ਹੋ ਸਕਦੀ ਹੈ ਜਾਂ ਤੁਸੀਂ ਕਿਸੇ ਅਜਿਹੇ ਵਿਅਕਤੀ ਦੇ ਨਜ਼ਦੀਕੀ ਸੰਪਰਕ ਵਿੱਚ ਆਏ ਹੋ, ਤਾਂ ਤੁਸੀਂ ਰੈਪਿਡ ਐਂਟੀਜਨ ਟੈਸਟ ਦੀ ਵਰਤੋਂ ਕਰਦਿਆਂ, ਕੋਵਿਡ-19 ਲਈ ਆਪਣੇ ਆਪ ਅਸਾਨੀ ਨਾਲ ਟੈਸਟ ਕਰ ਸਕਦੇ ਹੋ, ਜੋ ਤੁਹਾਨੂੰ 15 ਮਿੰਟ ਵਿੱਚ ਨਤੀਜੇ ਦਏਗਾ ਜਾਂ ਹੋਰ ਸਟੀਕ PCR ਟੈਸਟ ਕਰ ਸਕਦੇ ਹੋ, ਜਿਸ ਨੂੰ 24-48 ਘੰਟੇ ਲੱਗਦੇ ਹਨ।

ਕਈ ਵੱਖ-ਵੱਖ ਕਾਰਵਾਈਆਂ ਹਨ, ਜਿਹਨਾਂ ਨਾਲ ਤੁਸੀਂ ਆਪਣੇ ਆਪ ਨੂੰ ਅਤੇ ਆਪਣੇ ਨਜ਼ਦੀਕੀ ਲੋਕਾਂ ਨੂੰ ਕੋਵਿਡ-19 ਕਰਕੇ ਬਿਮਾਰ ਹੋਣ ਤੋਂ ਬਚਾ ਸਕਦੇ ਹੋ। ਕਿਉਂਕਿ ਕੋਵਿਡ-19 ਵਾਇਰਸ ਸਾਡੇ ਫੇਫੜਿਆਂ ਨੂੰ ਨਿਸ਼ਾਨਾ ਬਣਾਉਂਦਾ ਹੈ, ਇਸ ਲਈ ਮੂੰਹ ਅਤੇ ਨੱਕ ਨੂੰ ਢੁਕਵੇਂ ਤਰੀਕੇ ਨਾਲ ਮਾਸਕ ਨਾਲ ਢਕਕੇ ਆਪਣੇ ਸਾਹ-ਰਾਹ ਨੂੰ ਵਾਇਰਲ ਕਣਾਂ ਤੋਂ ਬਚਾ ਸਕਦੇ ਹੋ, ਜੋ ਕਣ ਕਿਸੇ ਲਾਗ ਵਾਲ਼ੇ ਵਿਅਕਤੀ ਵਲੋਂ ਗੱਲ ਕਰਨ, ਖੰਘਣ ਜਾਂ ਨਿੱਛਣ ਵੇਲ਼ੇ ਨਿਕਲ ਸਕਦੇ ਹਨ। ਇਸਦੇ ਨਾਲ ਹੀ, ਆਪਣੇ ਹੱਥਾਂ ਨੂੰ ਹੈਂਡ ਸੈਨੀਟਾਈਜ਼ਰ ਜਾਂ ਸਾਬੁਨ ਅਤੇ ਪਾਣੀ ਨਾਲ ਧੋਣ ਨਾਲ ਪਲੀਤ ਸਤਿਹਾਂ ਤੋਂ ਤੁਹਾਡੇ ਹੱਥਾਂ 'ਤੇ ਲੱਗੇ ਕੋਈ ਵੀ ਵਾਇਰਲ ਕਣ ਹਟਾਉਣ ਵਿੱਚ ਮਦਦ ਮਿਲ ਸਕਦੀ ਹੈ। ਆਮ ਤੌਰ 'ਤੇ ਵਰਤੀਆਂ ਜਾਂਦੀਆਂ ਸਤਿਹਾਂ ਨੂੰ ਕੀਟਾਣੂ-ਮੁਕਤ ਕਰਨ ਨਾਲ ਆਪਣੀਆਂ ਥਾਵਾਂ ਸਾਫ਼ ਰੱਖਣ ਅਤੇ ਵਾਇਰਸ ਤੋਂ ਸੁਰੱਖਿਅਤ ਰੱਖਣ ਵਿੱਚ ਵੀ ਲਾਹੇਵੰਦ ਹੋ ਸਕਦਾ ਹੈ। ਅੰਤ ਵਿੱਚ, ਤੁਸੀਂ ਕੋਵਿਡ-19 ਦਾ ਟੀਕਾ ਵੀ ਲੁਆ ਸਕਦੇ ਹੋ, ਜੋ ਤੁਹਾਡੇ ਸਰੀਰ ਨੂੰ ਵਾਇਰਸ ਦਾ ਮੁਕਾਬਲਾ ਕਰਨ ਲਈ ਰੋਗ-ਰੋਧਕ ਜਵਾਬੀ-ਕਾਰਜ ਲਈ ਤਿਆਰ ਕਰੇਗਾ, ਤਾਂਜੋ ਤੁਸੀਂ ਬਿਮਾਰੀ ਤੋਂ ਸੁਰੱਖਿਅਤ ਹੋ ਸਕੋ।

ਕੋਵਿਡ-19 ਦਾ ਟੀਕਾ, ਕੋਵਿਡ-19 ਦਾ ਕਾਰਣ ਬਣਨ ਵਾਲ਼ੇ ਵਾਇਰਸ ਦੀ ਸਤਹਿ 'ਤੇ ਮਿਲਣ ਵਾਲ਼ੇ ਪ੍ਰੋਟੀਨ ਪ੍ਰਤੀ ਜਵਾਬੀ-ਕਾਰਜ ਤਿਆਰ ਕਰਨ ਲਈ ਸਾਡੇ ਸਰੀਰ ਦੇ ਕੁਦਰਤੀ ਰੋਗ-ਰੋਧਕ ਸਿਲਸਿਲੇ ਨੂੰ ਪ੍ਰੇਰਿਤ ਕਰਦਾ ਹੈ। ਇੰਜ ਕਰਕੇ, ਇਹ ਸਾਡੇ  ਸਰੀਰ ਨੂੰ ਵਾਇਰਸ ਨੂੰ ਪਛਾਣਨ ਦੇ ਸਮਰੱਥ ਹੋਣ ਲਈ ਤਿਆਰ ਕਰਦਾ ਹੈ, ਇਸ ਤੋਂ ਪਹਿਲਾਂ ਇਹ ਸਾਡੇ ਸੈੱਲਾਂ ਨੂੰ ਲਾਗ ਲੱਗਣ ਦਾ ਮੌਕਾ ਦਿੰਦਾ ਹੈ,  ਅਤੇ ਗੰਭੀਰ ਤੌਰ 'ਤੇ ਬਿਮਾਰ ਹੋਣ ਤੋਂ ਪਹਿਲਾਂ ਸਾਡੇ ਸਰੀਰਕ ਸਿਲਸਿਲੇ ਤੋਂ ਵਾਇਰਸ ਨੂੰ ਖ਼ਤਮ ਕਰਦਾ ਹੈ। ਜੇ ਤੁਹਾਨੂੰ ਟੀਕਾ ਲੱਗਿਆ ਹੋਇਆ ਹੈ, ਤਾਂ ਇਸ ਗੱਲ ਦੀ ਸੰਭਾਵਨਾ ਹੈ ਕਿ ਤੁਹਾਨੂੰ ਅਜੇ ਵੀ ਕੋਵਿਡ-19 ਨਾਲ ਲਾਗ ਲੱਗ ਸਕਦੀ ਹੈ। ਹਾਲਾਂਕਿ, ਟੀਕਾ ਸਾਡੇ ਰੋਗ-ਰੋਧਕ ਜਵਾਬੀ-ਕਾਰਜ ਨੂੰ ਗੰਭੀਰ ਲੱਛਣਾਂ ਨੂੰ ਰੋਕਣ ਲਈ ਆਪਣੀ ਪੂਰੀ ਕੋਸ਼ਿਸ਼ ਕਰਨ ਲਈ ਪ੍ਰੇਰਿਤ ਕਰੇਗਾ ਅਤੇ ਤੁਹਾਨੂੰ ਕੁਝ ਦਿਨਾਂ ਤੱਕ ਰਹਿਣ ਵਾਲ਼ੇ ਫ਼ਲੂ ਵਰਗੇ ਹਲਕੇ ਲੱਛਣ ਮਹਿਸੂਸ ਹੋਣ ਦੀ ਸੰਭਾਵਨਾ ਹੈ।

ਕੀ ਤੁਹਾਨੂੰ ਕੋਵਿਡ-19 ਦੇ ਲੱਛਣ ਮਹਿਸੂਸ ਹੋ ਰਹੇ ਹਨ ਜਾਂ ਕੋਵਿਡ-19 ਲਈ ਤੁਹਾਡਾ ਟੈਸਟ ਨਤੀਜਾ ਪਾੱਜ਼ਿਟਿਵ ਆਇਆ ਹੈ, ਤਾਂ ਕਿਰਪਾ ਕਰਕੇ ਘਬਰਾਉਣ ਦੀ ਲੋੜ ਨਹੀਂ ਹੈ! ਇਹ ਬਹੁਤ ਜ਼ਰੂਰੀ ਹੈ ਕਿ ਤੁਸੀਂ ਇਸ ਸਮੇਂ ਦੀ ਬਹੁਤ ਸਾਰਾ ਅਰਾਮ ਕਰਨ ਲਈ ਵਰਤੋਂ ਕਰੋ ਅਤੇ ਆਪਣੇ ਲੱਛਣਾਂ ਦੀ ਨਿਗਰਾਨੀ ਕਰਦਿਆਂ, ਤਰਲ-ਪਦਾਰਥ ਲਓ। ਕਿਰਪਾ ਕਰਕੇ ਇਸ ਸਮੇਂ, ਆਪਣੇ ਆਪ ਨੂੰ ਅਲੱਗ-ਥਲੱਗ ਰੱਖੋ ਅਤੇ ਲਾਗ ਖ਼ਤਮ ਹੋਣ ਤੱਕ ਕਿਸੇ ਹੋਰ ਵਿਅਕਤੀ ਨਾਲ ਮੇਲ-ਮਿਲਾਪ ਨਾ ਕਰੋ, ਇਸ ਨੂੰ ਆਮ ਤੌਰ 'ਤੇ 10 ਦਿਨ ਲੱਗਦੇ ਹਨ। ਹਰਾਰਤ ਮਹਿਸੂਸ ਕਰਨ ਤੋਂ ਐਨ ਪਹਿਲਾਂ, ਤੁਸੀਂ ਉਹਨਾਂ ਲੋਕਾਂ ਨੂੰ ਵੀ ਦੱਸਣਾ ਚਾਹ ਸਕਦੇ ਹੋ, ਜਿਹਨਾਂ ਨਾਲ ਤੁਹਾਡਾ ਨਜ਼ਦੀਕੀ ਸੰਪਰਕ ਰਿਹਾ ਹੈ, ਤਾਂਜੋ ਉਹ ਆਪਣੇ ਆਪ ਨੂੰ ਅਲੱਗ-ਥਲੱਗ ਰੱਖ ਸਕਣ ਅਤੇ ਟੈਸਟ ਕਰਾਉਣ। ਜੇ ਤੁਹਾਡੇ ਲੱਛਣ ਵਿਗੜ ਰਹੇ ਹਨ ਅਤੇ ਤੁਹਾਨੂੰ ਸਾਹ ਲੈਣ ਵਿੱਚ ਦਿੱਕਤ ਹੋ ਰਹੀ ਹੈ, ਤਾਂ ਕਿਰਪਾ ਕਰਕੇ ਢੁਕਵੀਂ ਮੈਡੀਕਲ ਸੰਭਾਲ ਲੈਣ ਲਈ ਹਸਪਤਾਲ ਦੇ ਐਮਰਜੈਂਸੀ ਰੂਮ ਵਿੱਚ ਜਾਓ।