ਬਾਲ ਜ਼ੋਨ

ਸਾਡੇ ਆਲੇ-ਦੁਆਲੇ ਬਹੁਤ ਸਾਰੇ ਸੂਖਮ-ਜੀਵ ਅਤੇ ਜੀਵਾਣੂ ਹਨ, ਜਿਹਨਾਂ ਨੂੰ ਅਸੀਂ ਹਰ ਜਗ੍ਹਾ ਆਪਣੇ ਨਾਲ ਲੈਕੇ ਚਲਦੇ ਹਾਂ। ਲਾਗ ਵਾਲ਼ੇ ਜੀਵਾਣੂਆਂ ਤੋਂ ਬਿਮਾਰ ਹੋਣ ਤੋਂ ਬਚਣ ਲਈ, ਘੱਟੋ-ਘੱਟ 20 ਸੈਕਿੰਡ ਲਈ ਸਾਬੁਨ ਅਤੇ ਪਾਣੀ ਨਾਲ ਆਪਣੇ ਹੱਥ ਧੋਵੋ। ਹੱਥਾਂ ਦੇ ਅਗਲੇ ਅਤੇ ਪਿਛਲੇ ਹਿੱਸੇ ਅਤੇ ਉਂਗਲਾਂ ਦੇ ਵਿਚਕਾਰ ਰਗੜੋ। ਸਮੇਂ ਦਾ ਧਿਆਨ ਰੱਖਣ ਲਈ ਦੋ ਵਾਰੀ “ਹੈਪੀ ਬਰਥਡੇ” ਗਾਓ।

ਜੇ ਤੁਹਾਨੂੰ ਬੁਖ਼ਾਰ, ਜ਼ੁਕਾਮ, ਖੰਘ ਆਦਿ ਵਰਗੀ ਲਾਗ ਵਾਲ਼ੀ ਬਿਮਾਰੀ ਦੇ ਕੋਈ ਲੱਛਣ ਹਨ, ਤਾਂ ਘਰ ਵਿੱਚ ਹੀ ਰਹੋ। ਜਦੋਂ ਤੁਸੀਂ ਹੋਰਨਾਂ ਲੋਕਾਂ ਨਾਲ ਮਿਲਦੇ-ਜੁਲਦੇ ਹੋ, ਤਾਂ ਤੁਸੀਂ ਜੀਵਾਣੂ ਫੈਲਾ ਸਕਦੇ ਹੋ, ਇਸ ਲਈ ਘਰ ਵਿੱਚ ਰਹਿਕੇ, ਨਾ ਸਿਰਫ਼ ਤੁਸੀਂ ਅਰਾਮ ਕਰ ਰਹੇ ਹੁੰਦੇ ਹੋ, ਬਲਕਿ ਤੁਸੀਂ ਹੋਰਨਾਂ ਨੂੰ ਸੁਰੱਖਿਅਤ ਰੱਖ ਰਹੇ ਹੋ!

ਤੁਹਾਨੂੰ ਦਿਨ ਵਿੱਚ 3 ਵਾਰੀ ਅਜਿਹਾ ਭੋਜਨ ਖਾਣਾ ਚਾਹੀਦਾ ਹੈ, ਜਿਸ ਵਿੱਚ ਕਾਫ਼ੀ ਪੋਸ਼ਕ-ਤੱਤ ਹੋਣ।  ਇਸ ਵਿੱਚ ਤੁਹਾਡੇ ਰੋਗ-ਰੋਧਕ ਸੈਲਾਂ ਸਮੇਤ, ਤੁਹਾਡੇ ਸਰੀਰ ਵਿਚਲੇ ਸਾਰੇ ਸੈਲਾਂ ਨੂੰ ਤੰਦਰੁਸਤ ਰੱਖਣ ਵਿੱਚ ਮਦਦ ਮਿਲੇਗੀ। ਲਾਗ ਵਾਲ਼ੀਆਂ ਬਿਮਾਰੀਆਂ ਤੋਂ ਤੁਹਾਡਾ ਬਚਾਅ ਕਰਨ ਲਈ ਸਿਹਤਮੰਦ ਰੋਗ-ਰੋਧਕ ਸੈਲ ਬਹੁਤ ਜ਼ਰੂਰੀ ਹਨ।

ਤੁਹਾਨੂੰ ਰੋਜ਼ ਘੱਟੋ-ਘੱਟ 8 ਗਲਾਸ ਪਾਣੀ ਜ਼ਰੂਰ ਪੀਣਾ ਚਾਹੀਦਾ ਹੈ। ਪਾਣੀ, ਸਾਡੇ ਸਰੀਰ ਵਿਚਲੇ ਸੈਲਾਂ ਵਿਚਕਾਰ ਬਹੁਤ ਸਾਰੇ ਅਹਿਮ ਪੋਸ਼ਕ-ਤੱਤ ਲਿਜਾਣ ਵਿੱਚ ਮਦਦ ਕਰਦਾ ਹੈ। ਇਹ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਇਹ ਸਾਡੇ ਸਰੀਰ ਵਿਚਲੀ ਰਹਿੰਦ-ਖੂਹੰਦ ਨੂੰ ਬਾਹਰ ਕੱਢਣ ਵਿੱਚ ਮਦਦ ਕਰਦਾ ਹੈ ਅਤੇ ਸਰੀਰ ਨੂੰ ਅੰਦਰੋਂ ਸਾਫ਼ ਰੱਖਦਾ ਹੈ! ਪਲੀਤ ਤੱਤਾਂ ਨੂੰ ਸਰੀਰ ਦੇ ਅੰਦਰ ਜਾਣ ਦੇਣ ਤੋਂ ਬਚਣ ਲਈ, ਜਦੋਂ ਵੀ ਤੁਸੀਂ ਕਰ ਸਕੋ, ਤੁਹਾਨੂੰ ਉਬਲਿਆ ਹੋਇਆ ਜਾਂ ਛਾਣਿਆ ਹੋਇਆ ਪਾਣੀ ਪੀਣਾ ਚਾਹੀਦਾ ਹੈ।

ਤੁਹਾਡੇ ਹੱਥਾਂ ਵਾਂਗ, ਤੁਹਾਡੇ ਭੋਜਨ ਵਿੱਚ ਵੀ ਨੁਕਸਾਨਦੇਹ ਸੂਖਮ-ਜੀਵ ਹੁੰਦੇ ਹਨ। ਮੀਟ, ਪੋਲਟਰੀ, ਮੱਛੀ, ਫਲ ਜਾਂ ਸਬਜ਼ੀਆਂ ਖਾਣ ਤੋਂ ਪਹਿਲਾਂ, ਤੁਹਾਨੂੰ ਉਹਨਾਂ ਨੂੰ ਟੂਟੀ ਦੇ ਪਾਣੀ ਹੇਠ ਚੰਗੀ ਤਰ੍ਹਾਂ ਧੋਣਾ ਚਾਹੀਦਾ ਹੈ। ਇਸ ਨੂੰ ਪਕਾਉਣ ਜਾਂ ਖਾਣ ਤੋਂ ਪਹਿਲਾਂ, ਤੁਹਾਨੂੰ ਆਪਣੇ ਭੋਜਨ ਵਿੱਚੋਂ ਸੂਖਮ-ਜੀਵ ਹਟਾਉਣ ਵਿੱਚ ਮਦਦ ਮਿਲ ਸਕਦੀ ਹੈ।